Sápmelaččaid árbevierru lea goarrut liegga bivuid ja ávkkástallat ávdnasiid mat leat fitnemis,
nu mo náhkkit . Maiddái hábmen bivuid nu ahte ledje vuohkas bargobivut. Eallinvuogit,
duodji ja luondu leat áiggiid čađa mannan giehtalaga. Gahppir lea rievdan áiggiid čađa ( Knud
Leem). Leem námuha ahte gahppirat leat gorron lottenáhkiin. Gudmund Hatt fas namuha
ahte leat guollenáhkis leat maid gorron gahppiriid mearra guovlluin. Okta oassi sámebiktasis,
nammalassii gahppir lea eanemusat rievdan áiggiid čađa.

Ammáiolbmo gahppir, maiddái gohčoduvvon viergegahppir.
Dat lea gorron 4 láđđestiellasis, mat leat dego násttit ja 4
skoađas stiellasis. Muhtomat gohčodit láđđestiellasiid maid
ggahppiráidán. Skoađas lea gahppirsiskkoš. Dat lea
dábálaččat asehis bomullávdnasis iešgutgelágan ivnnis ja
hearvvain. Dálvegahppiris lea viergi, mii lea gorron
čeavránáhkis. Diehppit fas leat láđđestiellasat, mat heaŋgájit
gahppira gilggas.
Čiehkagahppira devde uvjjain vai šattai liekkas ja linis. Dalle sáhttá gahppra maid geavahit
guoddán meahcis. Dábálaččat lea vielgadas dahje buddestat gorron miesenahkkis,
čoavjevuolbihtás dahje gabba miesegápmasis. Geassegahppiris eat leat láđđestiellasat/
diehppi, ii ge leat viergi, muhto reaska láđđis. Ovdalaš áigge gorron čiehkagahppriid rukses
láđđis, muhto dán áigge lea eanaš alit láđđis dahje seamma ivnnis go gákti. Dán áigge gorrot
gahppiriid alladit, go ovdalaš áigge.

Čiehgahpirgoarrundoahpagat

Čiehgahpir goarrun
1. Vadjan:
-stiellasiid
– láđđedierrása
– skoađđasa,
-vielgadasa ( dálvegahpir) dahje buddestága ( geassegahppir),
-vierggi ( dálvegahpir) dahje reaskka( geassegahppira)
– dihppiid ( dálvegahppiriid)
2. Goarrun
Stiellasiidda goarru skoađđasa gitta.
Stiellasiid goarrut oktii, čiehka čihkii.
3. Obbet
rávdda goarrut stárggasiin. Ravda lea
60 cm x 10 cm. Ravda lea guovttegeardán láđđi.
Sáhtat maid viselin deaddit dasa.
4. Viergádit
dierrása goarrut vierggi ja stiellasiid gaskii.
5. Diehppat
diehppit leat rukses stiellasat sullii 6-10m. Dat
sáhttet leat láđđis, bomullávdnasis dahje viskose ávdnasis.
6. Skoađastit Skoađđasa goarrut gitta gahppirii.
7. Viergádit goarrut vierggi, maid lea vadjan náhkis.
8. Deavdit gahppira
9. Buddestit Vielgadasa goarrut gitta gahppiriid, jus lea dálvegahppir. Geassegahpprii fas láđđe buddestaga goarrut.

čiehgahpir