Duodjeinstituhtas leat lanjat gasku Kárášjoga guovddáža.
Bargobájit, bargostašuvnnat ja oahpahuslatnja dahket oktiibuot 123,5 m2.
Bargobájiin lea goarrunlatnja gos leat industriija- ja guolganáhkkegoarrunmašiinnat, oahpahuslatnja, njuoskalatnja ja mii leat dál bargame garraduodjelanjain:
Goarrunlanjas lea 1 i industriijamašiidna, guolganáhkkegoarrunmašiidna, goarrunmašiidna, badjelsávdnji- mašiidna ( overlock ) ja 2 stuora bargobeavddi.
- Oahpahuslatnja geavahuvvo oahpahussii ja čoahkkimiidda/kurssaide.
- Njuoskalanjas lea neaskenmašiidna, sentrifuga, alladeattacirggon, ostovuoššan ja ostenmašiidna.
- Garraduodjelatnjii bohtet fargga iešguđetlágan rusttegat ja mašiinnat mat geavahuvvojit go ráhkada muorra- ja čoarvebuktagiid
Duodjeinstituhtta luoiká/ láigoha lanjaid, mašiinnaid ja rusttegiid:
- Lanjaid ja rusttegiid maiguin oste, neaská, bassá duljiid ja gápmasiid
- Lanjaid tekstiila- dahje náhkkeduddjomii
- Lanjaid ja rusttegiid buvttadeami/geahččalanbuvttadeami dahje kurssaid várás
- Lanjat ja rusttegat muorra-, čoarve- dahje dákteduddjomii bohtet
- Buohkat geat geavahit bargobáji fertejit máksit láiggu rusttegiid ja mašiinnaid ovddas
Váldde oktavuođa minguin jus siđat eambbo dieđuid
Heidi Gaup
telefovdna: 90586151
e-poasta: heidigaup@duodjein.com