Kánturjođiheaddji

Bargoaddi: Vuođđudusa Duodjeinstituhta stivra Báiki: Guovdageaidnu Bargodoaibmanamma: Kánturjođiheaddji Ohcanáigemearri: 24.05.2024

Duodjeinstituhtta ohcá kantuvrajođiheaddji geas lea máŋggabealat máhttu, vásahusat ja beroštupmi prošeaktabargguide, ja ovddiiđa sámi árbedieđu.

Bargohárjáneapmi ja máhtolašvuohta deattuhuvvojit eahpeávnnaslaš kulturbarggus. Doibmii gullet fágaidgaskasaččat alladássásaš fágaolbmot duojis. Doaibma fállá fágalaš bagadallama duojis ja bargá árbedieđuin sámi duojis kultuvran, fágan ja ealáhussan. Duodjeinstituhtta lea áidna riikkaviidosaš gelbbolašvuođa- ja ovddidanguovddáš duoji várás. Mii ovdánahttit mašiinnaid ja rusttegiid buoridan dihtii duojáriid gánnáheami ja bargoeavttuid. Duodjeinstituhtta barga maiddái ođđa čovdosiiguin oažžun dihte kvalitehtasihkkarastojuvvon ávdnasiid duoji buvttadeapmái.

Duodjeinstituhtas lea váldokantuvrra ja duodjelanjat Guovdageainnus, ja dasa lassin leat instituhttas 6 ossodaga Snoasas, Aarbortes, Evenáššis, Gáivuonas, Kárášjogas ja Vuonnabađas.

Mis leat buorit bargoeavttut ja kvalitehtasihkaraston bargobiras. Bargit leat dehálaš oassi ollisvuođas ja mii atnit árvvus jus don leat doaimmalaš, máškit ja iešheanalaš. Dát attáldagat dahket du bargobeaivvi jierpmálažžan ja gelddolažžan.

Bargodoaimmat

Ovttas direktevrrain ja eará bargiiguin beasat searvat dan gelddolaš duodjebargui mii čađahuvvo miehtá riikka ja riikkaidgaskasaččat. Ovddidit ja ođasmahttit duoji bargovugiid. Don oaččut bargguid sihke bargiid čuovvoleamis ja DBS-bargguin, muhto maiddái fágalaš ovddidanbargguin duojis. Muhtun doaimmat leat praktihkalaččat, earenoamážiid duodjekursset ja bagadallan. Čuovvolit Duodjemearka-ohccamiid . Son gii biddjo virgái ferte leat gearggus bargat hálddahusbargguid, kánturbargguid ja bargat bálkkáin.

Nubbinjođiheaddjin šattat jođiheaddji sadjásažžan ja veahkkin jođiheaddjái fága-, bargiid- ja ekonomiija surggiin. Álggogeahčen galggat ovttas jođiheddjiin čilget ja defineret nubbinjođiheaddji bargguid.

Kvalifikašuvnnat

Allaskuvlaoahppu dahje relevánta bargohárjáneapmi ja bargovásáhusat mat gusket bargguide. Fágareive duojis, máhttu ja diehtu duojis kulturfágan ja ealáhussan. · Alit fierpmádat iešguđetge duodjebirrasiiguin (Sámis) fágaorganisašuvnnaiguin ja oahppoásahusaiguin Norgga,Suoma ja Ruoŧa bealde rájii.

· Bargovásáhusat ja fierpmádat ruhtadanásahusaiguin Sámis.

· Buorre ipmárdus almmolaš hálddašeamis ja politihkalaš proseassain

• Lea sávahahtti ahte gávdno olmmoš geas leat vásáhusat fágaorgánaidguin, duodjeorganisašuvnnaidguin, eará guoskevaš ovttasbargoguoimmiidguin, ásahusaidguin- organisašuvnnaidguin ja máhttoorganisašuvnnaidguin Sámis.

• Buorre nákca oahppat ja geavahit digitála vuogádagaid ja reaidduid

• fuolahit áššiid čuovvoleami mat gusket duojáriid doaimmaid ovttastahttimii ja viidáset ovddideapmái buorrin guovlluid duojáriidda.

• Leahket fierpmádathuksejeaddji duodjái miehtá Sámi

• Máhttit duoji ja leat geavatlaš hárjáneamit bagadallamis ja minsttarovddideamis. Fágalaš máhttu iešguđetlágan duodjebuktagiin

Peršuvnnalaš attaldagat

Dus leat:

• Buorit gulahallan-, relašuvdna- ja ovttasbargoattaldagat

• Buorit bargonávccat

• Buorit jođihanattáldagat, leat ovddasvástideaddji ja guorahalli

• Áŋgiruššan ja máhttu fágasuorggis

Mii fállat

• Miellagiddevaš bargodoaimmat gelddolaš fágabirrasis.

• Máškidis bargoáigi

• Bálká šiehtadusa mielde.

• Buorit penšuvdna- ja dáhkádusortnegat

• Virgeprosentá 100%

Virgi almmuhuvvo bistevaš virgin almmolaš almmuheami bokte.Muittuhit maiddái ahte ohcci namma dábálaččat almmuhuvvo álkiduvvon ohcciidlisttus. Ohcci sáhttá bivdit ahte dat ii galgga leat almmolaš, muhto dalle dat ferte vuođustuvvot čálalaččat, gč. almmolaš lága § 25. Jus eat sáhte mieđihit sávaldaga, de mii almmuhit ohccái ovdal go ohcciidlisttu lea gárvvis.

Oktavuohtadieđut:

Direktevra Maret Gaup Eira, tel. 98685597 E-poasta: maretgaupeira@duodjein.no